SEN ORZAMENTOS 2013

A oposicion rexeita os orzamentos do 2013 presentados polo equipo goberno do Partido Popular

Os orzamentos do Concello de Fene do 2013 entran nunha nova fase. O Alcalde ten a potestade de presentalos unha segunda vez, iso sí asociados a unha moción de confianza.

No Concello de Fene debatironse onte en Pleno os orzamentos deste ano. O Partido Popular someteu as contas municipais sen contar co acordo previo de ningún grupo da oposición.  PSOE, BNG e Esquerda Unida votaron en contra no Pleno. O Alcalde Gumersindo Galego asociara os orzamentos a unha cuestión de confianza. Neste caso, a oposición tería un prazo de 30 dias para presentar unha moción de censura. Se non se puxeran dacordo, os presupostos quedarían aprobados de xeito automático.

Segundo explicou o alcalde do municipio, Gumersindo Galego Feal, os presupostos empezáronse a negociar o pasado mes de febreiro, cando o BNG formulou a necesidade de incluír un plan de emprego, e se foron dilatando. En marzo, sinala, reuniuse cos grupos na oposición para formular o xeito de realizar o pagamento a provedores, uns 220.000 euros, que se podía realizar a través do plan estatal ou con cargo a fondos propios. «Todo o mundo dixo que se fixese con fondos propios, o que supuxo esgotar a partida de gasto corrente, coa idea de que en setembro volveriamos lanzar a partida co superávit, a expensas dunha lei do goberno para poder utilizar estes fondos, que aínda non saíu adiante», sinala o rexedor. Por iso, formularon introducir nos presupostos 200.000 euros procedentes dun exceso de recadación obtidos a través da suba estatal do IBI. «Se non se fai o presuposto se pode incorporar esta partida para gasto para bens e servizos para os veciños. Todo ese diñeiro vaise amortizar con débeda bancaria», detalla Galego. «É unha falta de responsabilidade e lealdade institucional. A responsabilidade da medida de acudir á partida de gasto corrente foi de todos, e as consecuencias tamén», achaca o rexedor, e sinala que, aínda que xa están a traballar en elaborar os do 2014, lamenta que poidan ter «o mesmo resultado».