NAVANTIA

O importante agora en Navantia non é o plan de viabilidade da empresa, senón que peche a contratación de barcos. Primeiro, carga de traballo para os estaleiros; despois, as reformas que poidan ser necesarias para manter a súa competitividade.

Falar de plans de viabilidade sen barcos é facer ciencia ficción. O prioritario é carga de traballo.

Pedro Puy: “O importante é que Navantia e a súa dirección, que están a demostrar unha incapacidade absoluta de conseguir carga de traballo, ou ben a consigan, ou ben cedan o paso a quen sexa capaz de conseguila”

Feijóo: “Navantia ten un gran reto por diante e ese reto cada vez está máis esgotado desde o punto de vista de datas. A data para conseguir carga de traballo está finalizada e espero e desexo que os directivos sexan capaces de cumprir e de impulsar carga de traballo ao estaleiro de Fene-Ferrol”

Respecto dos balances diferenciados, o que pediu Feijóo a pasada semana son datos oficiais do estaleiro, que nunca foron feitos públicos. Os que ofrece o BNG son os mesmos que manexa o comité de empresa, de cuxa fiabilidade non se dubida, pero que non son oficiais. É un segredo a voces que Navantia Ferrol si é rendible. Pero queremos que a empresa o recoñeza publicamente.

Segundo manifestou o alcalde, Ferrol obtivo 100 millóns de euros de beneficios no últimos cinco anos. O resto de unidades de Navantia están afundidas en perdas millonarias.

Non pode ter o mesmo trato un centro eficiente como Ferrol que outros que non o son, como Cádiz e Cartaxena.

Os socialistas andaluces reprobaron onte a Feijóo por pedir os balances diferenciados. O PSOE, que tanto ten que calar na política dos estaleiros públicos, está de novo contra Galicia en materia naval. Besteiro debería acalar, se é que é capaz, a Susana Díaz.

O PPdeG, do mesmo xeito que o PP de Ferrolterra, apoia as reivindicacións dos traballadores do sector naval ferrolán.