ENTROIDO FENE 2014

Entroido 2014 no Concello de Fene

 

A Praza do Concello acollerá a festa infantil e o festival de comparsas nos días grandes do Entroido fenés

Catorce comparsas participarán este ano no desfile de Entroido que se celebrará no Concello de Fene o vindeiro 5 de marzo, Mércores de Cinza e festivo local no Concello de Fene. As agrupacións que tomarán parte no día grande do Entroido fenés son: Os Argalleiros, A Canteira, Peter Pan, Os Trastos, Os Juasapeiros da Comarca, Os Xunquiños, A Revolta de Trasancos, Os Colludos, Centieiras e os oficios, Os Scratchados, Non importa que chova (Paso a paso), Emoticonos, Xeriatros Narón e Os Picapedra de Ferrol.

As actividades do Entroido 2013 no Concello de Fene comezarán xa a víspera, o martes 4 de marzo, cunha festa infantil amenizada polo grupo Nueva Onda que se desenvolverá na Praza do Concello de 17.30 a 20.30 horas. Ademais, no descanso, ofrecerase a tradicional Degustación de Lambetadas do Entroido, actividade que conta coa colaboración de: Panadería Ramón (Sillobre), Panadería “El Cruce” (Maniños), Panadería Abroa (San Valentín), Pastelería “Larpeiradas (Perlío), Pastelería Amaría (Fene), Confitería Sara (Perlío), Confitería Martínez (Fene), Cafetería e Panadería Migas (Perlío)

Xa o mércores, 5 de marzo, celebrarase o desfile e posterior festival de comparsas. As agrupacións participantes concentraranse ás 17.30 horas na rúa Río Cádavo (Perlío) e, a continuación, desfilarán por Avda. Marqués de Figueroa, Cruce de Fene e Avenida Naturais. O percorrido finalizará na Praza do Concello onde se celebrará o Festival, coa actuación das comparsas Os Trastos, Os Juasapeiros da Comarca, Os Xunquiños, A Revolta de Trasancos, Os Colludos, Centieiras e os Oficios, Os Scratchados e Non importa que chova. Paso a Paso.

Ao remate das actuacións, darase a coñecer o nome das comparsas gañadoras do concurso que este ano organiza a Concellería de Cultura para premiar a calidade e creatividade das agrupacións participantes. Un xurado, presidido pola concelleira de Cultura, Rocío Bértoa, e formado por cinco representantes das comparsas (elexidos por sorteo), será quen decida a quén se lle outorgarán os seguintes premios:

1º Premio, dotado con 400 euros

2º Premio, dotado con 300 euros

3º Premio, dotado con 150 euros

Premios especiais ás comparsas de Fene:

1º Premio de 500 euros á mellor comparsa de adultos de Fene. Este premio non é acumulable cos outros premios.

2º Premio de 350 euros á  segunda mellor comparsa de adultos de Fene. Este premio non é acumulable cos outros premios.

Finalmente, procederase á lectura do testamento, á queima do boneco e á sesión de fogos de artificio. Para rematar, ao redor das 21 horas comezará o baile coa orquestra Os Players.

 Organiza: Concellería de Cultura do Concello de Fene

Colabora: Asociación Cultural Os Tadetas