FIN DEL VETO

NAVAL

O anuncio de Bruxelas de que o veto civil a Navantia conclúe o 1 de xaneiro de 2015 é unha excelente noticia que abre un futuro para a comarca de Ferrolterra.

Este veto foi aceptado polo PSOE de Zapatero, e custou moito sufrimento e postos de traballo para o naval ferrolán.

Os populares galegos esixiremos unha vez máis a Navantia que aproveite as potencialidades do mellor estaleiro de Europa e o faga rendible a través dunha acción comercial seria e eficiente.

Navantia queda sen escusas para non garantir a viabilidade dos estaleiros de Ferrolterra.

A empresa debe clarificar cal é a súa folla de ruta a partir de agora.

Os gobernos galego e español actuaron con responsabilidade, xerando carga de traballo que manteña a actividade. Hoxe o flotel é unha realidade, e o BAM da Armada o será en breve.

Pedimos á oposición que sexa prudente e non caia en inconsistencias como esixir a construción do dique flotante con diñeiro público, porque Bruxelas xa advertiu que esa fórmula vulnera a competencia e podería supoñer novas sancións.

O naval necesita menos demagoxia e máis traballo. O PP sábeo e por iso os seus anuncios son de pedidos para os estaleiros.

O alcalde de Fene, Gumersindo Galego (PP), afirmou que o fin do veto por si só non soluciona o problema da factoría. «Fomos unha moeda de cambio en Bruxelas e creo que somos acredores dunha boa indemnización, que é que haxa carga de traballo»

PARO AGOSTO

Galicia foi a comunidade na que máis diminuíu o desemprego durante o mes de agosto (-3.340 persoas), a pesar de que o paro subiu lixeiramente no conxunto de España (+8.070 persoas)

É un bo dato para Galicia, que demostra que o noso mercado de traballo ten un dinamismo distinto ao nacional, aínda que se enmarque dentro da tendencia xeral de recuperación económica.

Intermensual Estado: +0,18%    Galicia: -1,39%

Interanual Estado: -5,76%          Galicia: -7,99%

En taxa interanual, Galicia está a crear emprego máis de dous puntos por encima da media estatal. Mantemos o noso diferencial e aumentámolo.

É o terceiro maior descenso histórico, xunto co producido o ano pasado (-3.578) e en 1997 (-3.354).

É o mellor comportamento desde o ano 1998 se falamos en termos relativos.

Na evolución interanual, a diferenza entre agosto de 2013 e este mes de agosto, o número de parados diminúe en 20.585 persoas, o que representa en valores porcentuais o -7,99%.

Trátase da décima baixada interanual consecutiva de paro rexistrado e a maior de todas elas en termos porcentuais. Isto confirma a mellora progresiva no comportamento do paro iniciada desde finais do pasado ano.

Trátase, igualmente,  do mellor comportamento interanual nun mes de agosto de toda a serie histórica en termos absolutos (estatísticas publicadas desde 1996), e se falamos en termos relativos, desde 1999.

A lista do paro en Ferrolterra menguou en 401 inscritos no pasado mes de agosto.

A comparativa co anterior mes de xullo é especialmente favorable á zona do Eume, onde o descenso do desemprego se sitúa no 3,27% (64 inscritos menos). Séguenlle a bisbarra de Ferrol, cunha caída do 2,16% (330 "baixas" no paro rexistrado), e o Ortegal, onde o saldo no movemento das lista de desemprego resultou un descenso de sete persoas, un 0,89% de caída.

En Fene a baixada foi de 46 desempregados menos o que supon un -3,55% e un total de 1253 parados inscritos.