REDUCIÓN DE DIPUTADOS NO PARLAMENTO DE GALICIA

Antecedentes.

O PPdeG avanzou antes das anteriores eleccións autonómicas a súa vontade de rebaixar o número de deputados no Parlamento galego ata o mínimo impar posible dentro dos límites fixados no Estatuto de Autonomía de Galicia (que establecía a necesidade de contar con entre 60 e 80 parlamentarios).

Convén recordar que tivemos a ocasión de aprobar a reforma electoral na pasada Lexislatura, coa maioría obtida nas eleccións de 2009.

Decidimos esperar para someter esa vontade concreta e especificada no programa electoral ao referendo das urnas.

Convén recordar que, co aval da maioría reforzada dos galegos polas Eleccións Autonómicas de 2012, puidemos aprobar esta redución hai máis dun ano, ao inicio da presente Lexislatura.

Decidimos esperar ata poder falar coas novas direccións dos partidos que renovaron as súas cúpulas directivas tras o resultado dos comicios.

Convén recordar que puidemos reformar a lei só coa ampla maioría que concedéronnos os galegos nas urnas.

Pese a elo, tentamos negociar cos señores Pachi Vázquez, Abel Losada, Guillerme Vázquez, Xosé Luis Méndez Romeu, Xosé Ramón Gómez Besteiro, Xosé Manuel Beiras, Xavier Vence, Francisco Jorquera, Iolanda Díaz…

Tentamos chegar a acordos con case cunha ducia de dirixentes políticos de catro partidos diferentes e, no caso de dous deles, tanto coa anterior dirección como coa xurdida dos seus últimos procesos congresuais.

Negáronse a falar en serio deste asunto. Seguiremos a intentalo para alcanzar acordos onde haxa marxe para logralos; pero será xa no trámite parlamentario dun proxecto de reforma que rexistramos hoxe no Parlamento de Galicia.

A nosa proposta: un 20% menos de deputados.

Presentamos un proxecto de reforma que va en consonancia co recollido no programa electoral elixido pola maioría absoluta dos galegos, que contará co apoio de al menos o 55% dos deputados da Cámara, e que cremos que responde as preferencias dunha sociedade que espera das súas institucións eficacia e racionalidade no gasto.

Esa reforma rebaixará nun 20% o número de deputados e nun 20% o mínimo provincial a repartir en la asignación de escanos de cada unha das catro provincias de Galicia.

É dicir: unha rebaixa simétrica, xusta e proporcionada, pola que pasaremos dun Parlamento de 75 deputados a un de 61, cuns mínimos provinciais que pasarán de 10 a 8 escanos.

É unha proposta que non altera a proporcionalidade do sistema actual, e que non tería cambiado nin un só dos gobernos que tivo Galicia dende o inicio da democracia. Nin sequera nos casos dos escrutinios máis axustados.

Con este sistema Fraga tería gobernado nas mesmas Lexislaturas nas que foi presidente; Touriño accedería de novo á Presidencia en 2005 e Feijóo, en 2009.

Sobre os criterios territoriais e de poboación.

Ata agora, 40 dos 75 escanos eran asignados por criterios territoriais (un 46,7% do total); agora serán 32 de 61 (o 47,5%). Isto quere dicir que o factor poboacional queda prácticamente igual. E o cambio, mínimo, dará máis peso que antes as persoas por riba dos territorios. É dicir: o contrario do que a oposición criticaba cando especulaba acerca da nosa proposta de reforma.

Sobre o valor do voto dos cidadáns en cada provincia.

Se antes o voto dun cidadán de Ourense equivalía a 2,02 votos de habitantes da Coruña á hora repartir escanos en cada provincia, agora será 1,91; si o voto de un cidadán de Lugo antes equivalía a 2,05 votos de habitantes da Coruña, agora será de 1,97.

Isto significa que o sistema será máis xusto, porque tende a equiparar a importancia dun voto entre as provincias máis poboadas da fachada atlántica e as do interior, sempre dentro da máxima recollida na Constitución de protexer aos territorios menos poboados, e que non só afecta a Galicia senón ao conxunto do Estado.

O cambio é pequeno respecto ao modelo anterior pero desmonta as teorías dos que dicían que queríamos quitarlle peso ás provincias máis poboadas por interese electoral. Ao contrario.

Unha nova arquitectura institucional.

Galicia demanda institución eficientes e racionais; unha nova arquitectura institucional áxil e consecuente coa realidade da sociedade galega.

Una arquitectura que xa aplicamos na organización interna da Xunta, cun 40% menos de consellerías.

Que xa aplicamos na organización periférica da Xunta, na que pasamos de 53 a 5 delegados territoriais.

Que xa aplicamos na Administración paralela, suprimindo 57 entes de diversa índole.

Agora levaremos esa nova organización máis acorde ao novo escenario económico e social de Galicia ao Parlamento no que reside a soberanía do pobo galego.

O papel da oposición.

As eleccións de hai un ano foron as últimas nas que Galicia elixiu unha Cámara de 75 escanos. A que sairá das próximas eleccións será de 61.

O resto de grupos, se non quere apoiar esta redución, está no seu dereito de incluír dende xa no seu discurso político e nos seus programas electorais unha ampliación do número de parlamentarios; unha volta aos 75 deputados ou mesmo a máis se o consideran oportuno.

O PPdeG tentará chegar a acordos co resto de grupos, pero non traizoará a vontade dos galegos expresada nas urnas.