EL COMISARIO DE LA INCOMPETENCIA

TAX LEASE

O comisario socialista Joaquín Almunia feriu de morte ao sector naval español, e especialmente, ao galego.

A decisión non oficial aínda de declarar irregular o anterior sistema de bonificación e de ter que devolver as axudas é inxusta.

Nunhas circunstancias similares, Francia non devolveu un euro. Hoxe, Almunia castiga a España.

Dicir que os estaleiros non van devolver as axudas e que, por tanto, a decisión non lles afecta, é enganar á cidadanía. Os investidores esixirán indemnizacións aos estaleiros, e estes terán que pechar ao non poder facer fronte.

O PPdeG esixe ao PSOE e ao seu líder, Rubalcaba, que exerzan a presión necesaria co seu compañeiro de partido Almunia, para evitar a morte do naval.

Mentres un goberno como a Xunta buscou investimentos e investidores para o sector naval, un comisario socialista decretou o fin do naval e a destrución masiva de emprego neste sector.

Almunia non só demorou un ano a aprobación do novo tax lease, co prexuízo xerado nuns estaleiros que viron lastrada a súa competitividade fronte a outros do norte de Europa, senón que agora abócaos ao peche con esta decisión.

España amosou que os estaleiros actuaron con confianza lexítima. Pero á marxe de cuestións xurídicas, o sentido común leva a pensar que EUROPA non pode actuar contra EUROPA.

Despois do esforzo levado a cabo para manter a flote os estaleiros, non podemos permitir que a Comisión Europea afunda o naval galego.